Ալեն Սիմոնյանն առաջարկում է փոխել ժամերը Եվրասիական զարգացման բանկը նպատակ ունի ընդլայնել իր գործունեությունը Հայաստանում Դավիթ Տոնոյանի հրամանով Արմինե Հովհաննիսյանին փոխգնդապետի կոչում է շնորհվել Ռոման Բերեզովսկին՝ Հայաստանի հավաքականի անհաջողությունների գլխավոր պատճառի մասին Հարցն այն է, թե ինչ հաշիվ ենք տալու մեր սերունդներին. Փաշինյանը՝ Հռոմում Բրյուսելում Արայիկ Հարությունյանին դիմավորել են «Արայիկ, հեռացիր» վանկարկումներով Կալիֆոռնիայի դատարանն աջակցել է Թրամփին հարկային հայտարարագրի հետ կապված իրավիճակում Հայաստանում անգլերենը, ֆրանսերենը, ռուսերենը պարտադիր են, հայերենը՝ ոչ. ուսանողները՝ վիճահարույց օրենքի մասին Հայաստանի ԶՈՒ գլխավոր շտաբի պետն այցելել է զորամաս Փաշինյանը ժամանել է Հռոմի Կիջի պալատ՝ հանդիպելու Իտալիայի նախարարների խորհրդի նախագահի հետ Արարատ Միրզոյանը մասնակցել է ԱՊՀ միջխորհրդարանական վեհաժողովի խորհրդի նիստին 2004 թվականի այս օրը պայթեցվեց կամ հրկիզվեց իմ ավտոմեքենան. Նիկոլ Փաշինյան (ֆոտո) Նոյեմբերի 24-ին նախատեսված Գորան Բրեգովիչի համերգը տեղի չի ունենա «Իմ բիզնեսը, Իմ բանկը». համագործակցության նոր ձևաչափ Եղանակը Հայաստանում հանգստյան օրերին

Հանրային ռադիոյի տնօրեն է ընտրվել Գարեգին Խումարյանը. ինչպե՞ս է կայացել ընտրությունը

Հանրային ռադիոյի տնօրեն է ընտրվել Գարեգին Խումարյանը. ինչպե՞ս է կայացել ընտրությունը Այսօր՝ 2019 թվականի ապրիլի 3-ին, Հանրային հեռուստառադիոընկերության խորհրդի կողմից ձևավորված «Հայաստանի հանրային ռադիոընկերություն» փակ բաժնետիրական ընկերության գործադիր տնօրենի թափուր պաշտոնի համալրման համար մրցույթի կազմակերպման և անցկացման ժամանակավոր հանձնաժողովը ամփոփեց «Հայաստանի հանրային ռադիոընկերություն» ՓԲ ընկերության տնօրենի թափուր տեղի համալրման համար հայտարարված մրցույթի արդյունքները:

Այս մասին հայտարարություն է տարածել Հանրային հեռուստառադիոընկերության խորհուրդը: Հանձնաժողովն ուսումնասիրելով մրցույթին մասնակցության հայտ ներկայացրած 30 թեկնածուների հայեցակարգերը, առանձնացրել և հարցազրույցի էր հրավիրել 29 մասնակցի: Հարցազրույցներից հետո հանձնաժողովի անդամները փակ քվեարկությամբ, ընտրեցին «Հայաստանի հանրային ռադիոընկերություն» ՓԲ ընկերության տնօրենին: Հանրային ռադիոյի տնօրեն է ընտրվել Գարեգին Կորյունի Խումարյանը: Ի դեպ, դեռևս առավոտյան past.am-ը հավաստի տեղեկություններ էր ստացել, որ Խումարյանն է դառնալու հանրային ռադիոյի տնօրեն: Մեր աղբյուրը տեղեկացնում էր, որ առաջադրված 30 թեկնածուներից երկրորդ փուլ էին անցել երեքը, որոնց թվում Գարեգին Խումարյանի անունը չի եղել: Օրերս հանրային հեռուստառադիոաընկերության խորհրդի նախագահ ընտրված Արա Շիրինյանը ասել է, որ չի կողմնորոշվում, և առաջարկել է երկրորդ փուլի համար ևս երկու թեկնածու ներկայացնել: Եվ հենց այդ երկուսից մեկին՝ Խումարյանին էլ խորհուրդն ընտրել է հանրային ռադիոյի տնօրեն:

Ի դեպ, դեռ երեկ երեկոյան տեղեկություններ ունեինք, որ երկրորդ փուլ անցած Ստեփան Զաքարյանը, համոզվելով, որ իրեն չեն ընտրելու, ինքնաբացարկ է ներկայացրել:

Հավելենք, որ ընտրությունից մի քանի ժամ առաջ հայտարարություն էին տարածել ռադիոյի աշխատակիցները. «Ծանոթանալով երկրորդ փուլ անցած թեկնածուների ցանկին՝ մենք, Հանրային ռադիոյի աշխատակիցներս ակնկալում ենք, որ 3 ամիս տևած գործադիր տնօրենի թափուր հաստիքի մրցույթում այսօր կհաստատվի արժանի թեկնածու, որը երկար տարիներ եղել է ՀՌ աշխատակից և քաջատեղյակ է ռադիոյից։ Բոլոր թեկնածուների հանդեպ ամենայն հարգանքով հանդերձ` հայտարարում ենք, որ աշխատակիցների կարծիքը պետք է որոշիչ դեր ունենա հանձնաժողովի որոշման կայացման հարցում։ Կոլեկտիվի դիրքորոշումը հստակ է և անզիջում: Տնօրենի ընտրությունը նախատեսվում է ապրիլի 3-ին, և ոչ ցանկալի ելքի պարագայում պատրաստ ենք կոշտ քայլերի»: Հավելենք, որ Խումարյանը քաջատեղյակ է ռադիոյից, ոլորտի փորձառուներից մեկն է, սակայն ՀՌ աշխատակից չէ: