ՈՒՂԻՂ. Պարգեւատրման արարողություն Բաղրամյան 26–ում Խորվաթիայում ռազմական ուղղաթիռ է կործանվել Արտակարգ իրավիճակ Լոռիի Աքորի գյուղում. ըստ գյուղացիների՝ 1 ամսից ավելի է՝ խոզերի անկում է տեղի ունենում Բարեբախտաբար ողջամտությունը հաղթեց. Արմեն Սարգսյանը 5 անձի ՀՀ վաստակավոր մարզչի պատվավոր կոչում է շնորհել Ստյոպա Սաֆարյանի տան մոտ նրա վրա հարձակման և հեռախոսի հափշտակման գործը փոխանցվել է ՀՀ ՔԿ և ընդունվել է վարույթ «Հարսը ձախողված է եւ պետք է արագ հերանց ուղարկել». Սոնա Աղեկյանը` Փաշինյանի մասին Հանրապետության տարածքում առաջիկա օրերին ջերմաստիճանն աստիճանաբար կբարձրանա 6-8 աստիճանով ՈՒՂԻՂ. ՀՀԿ-ականներն այցելել են Հոլոքոստի զոհերի հուշարձան Ընտրե՛ք ձեր հավանած ամառային զգեստը. Թեստ, որը կպատմի ձեր կանացիության մասին Չինաստանում կորոնավիրուսով վարակվածների շրջանում ՀՀ քաղաքացիների մասին տեղեկություն չկա. ԱԳՆ Կասեցվել է Սիսիանի մանկապարտեզներին կարագի փոխարեն սփրեդի մատակարարումը. ՍԱՏՄ Երևանի ավագանու «Իմ քայլը» խմբակցությունը հրատապ նիստ է հրավիրել (ուղիղ)

Մեծ տոնակատարությամբ Զապորոժիեի հայկական համայնքն ամփոփեց 2019-ի արդյունքները (լուսանկարներ, տեսանյութ)

Հունվարի 12-ին՝ Հին Նոր տարվա նախաշեմին, Զապորոժիեի հայ համայնքը ամփոփեց անցած՝ 2019 թվականի արդյունքները: Տոնակատարության 220 հյուրեր անցած տարվա ձեռքբերումների կապակցությամբ շնորհավորեցին մարզիկներին, դպրոցների ուսուցիչներին, ստեղծագործական, ազգային խմբերի ղեկավարներին, երիտասարդական կազմակերպության ակտիվիստներին: Իրենց շնորհակալության խոսքը հայտնեցին ինչպես բարերարներին, այնպես էլ «Զապորոժիեի շրջանի հայերի միության» ակտիվ անդամներին՝ կատարած բազմաթիվ դրական և բարի գործերի համար: Այս մասին իր էջում գրել է «Զապորոժիեի շրջանի հայերի միության» փոխնախագահ Ռուդոլֆ Հակոբյանը:

 
«Մենք անկեղծորեն ուրախ ենք, որ մեր քաղաքում կան բազմաթիվ գաղափարակից ընկերներ, ովքեր ամեն օր իրենց աշխատանքով նպաստում են տարածաշրջանի զարգացմանն ու կայացմանը: Որովհետև, այնուամենայնիվ, մեր հիմնական նվաճումը երիտասարդ սերնդի զարգացման և դաստիարակության մեջ է» - գրել է Հակոբյանը: 
 
«Զապորոժիեի շրջանի հայերի միության» ղեկավար Արտաշես Սարգսյանը շնորհավորել է ներկաներին՝ Ամանորի կապակցությամբ, շնորհակալություն հայտնել և մաղթել բեղմնավոր աշխատանք՝ ի շահ համայնքի և Զապորոժիեի շրջանի:
 
Միջոցառմանը մասնակցում էին հասարակական և մշակութային գործիչներ, հյուրեր՝ Դնեպրի, Կամենսկի և Խարկովի հայկական համայնքներից, ովքեր հատուկ շնորհակալագրերի են արժանացել՝ Զապորժիեի շրջանում հայկական մշակույթի և հայ համայնքի զարգացման գործում ցուցաբերած համակողմանի աջակցության և ներդրումների համար:
 
Միջոցառմանը ներկա էին մի շարք պատվավոր հյուրեր: Զապորոժիեի շրջանի մարզային պետական ադմինիստրացիայի զբոսաշրջության, մշակույթի և կրոնի վարչության տնօրեն Վլադիսլավ Մորոկոն, Զապորոժիեի քաղաքապետի խորհրդական Վալերի Էդելեվը, Զապորոժիեի շրջանային խորհրդի պատգամավոր Սերգեյ Պետրենկոն, Ուկրաինայի Գերագույն Ռադայի պատգամավոր Պավել Մելնիկը, Զապորոժիեի շրջանային խորհրդի պատգամավոր, Զապորոժիեի Ազգային տեխնիկական համալսարանի պրոռեկտոր Էդուարդ Գուգնինը, Սպորտային կազմակերպությունների ասոցիացիայի ղեկավար Անտոն Կարնաուխը, Օգնության քաղաքային կենտրոնի ղեկավար Դմիտրի Մատյուխինը, Զապորոժիեի շրջանային խորհրդի ղեկավարի տեղակալ Վլադիսլավ Մարչենկոն, քաղաքային խորհրդի պատգամավոր Օլեգ Աֆանասևը, Խարկովի հայ համայնքի ղեկավար Սամվել Խունդամերյանը, Դնեպրի «Վարդուհի» հայկական  մշակութային կենտրոնի տնօրեն Գրետտա Սեդրակյանը, Կամենսկի հայկական համայնքի ղեկավար Ռոման Չոբանյանը, Դնեպրի՝ «Սուրբ Գրիգոր Լուսավորչի» անվան հայկական համայնքի գործադիր տնօրեն Անաիդա Արզումանովան, լրագրողներ և հասարակական գործիչներ:
 
Տոնական երեկոյի կուլմինացիան՝ Զապորոժիեի ազգային վոկալային և պարային խմբերը ներկայացնող երեխաների ելույթներն էին: