Գազի գնի բարձրացման համար վճարվելու է սպառողի գրպանից. Այլընտրանքային նախագծեր խումբ Ի՞նչ է սեքսը․ մուլտֆիլմերը լինում են նաև ոչ մանկական Ընթանում է Ռոբերտ Քոչարյանի եւ մյուսների գործով դատական նիստը (ուղիղ) ՊԱՏՄՈՒԹՅԱՆ ԱՅՍ ՕՐԸ (21 ՀՈՒՆՎԱՐԻ)․ Հան­քա­խոր­շի փլուզ­ման հե­տև­ան­քով կեն­դա­նի թաղ­վել է 435 հան­քա­փոր 2020 թվա­կա­նին ար­տա­խորհր­դա­րա­նա­կան ընդ­դի­մու­թյու­նը կանց­նի իր կազ­մա­վոր­ման ինս­տի­տու­ցի­ո­նա­լաց­ման էտա­պին Միքայել Մինասյան. «Հրաժեշտ ամենամեծ պատրանքին. սրանք մարդ չեն» Կիրականացվի թափուր աշխատատեղերի հաշվառում․ «Փաստ» ԱԱԾ․ Վանեցյանը պետական հեղաշրջում չի պլանավորել, իսկ Հրաչյա Հակոբյանի հայտարարություն հաղորդում չի համարվի «Որևէ փո­փո­խու­թյուն ակն­կա­լել դժվար է». ման­կա­պա­տա­նե­կան պար­բե­րա­կան­նե­րը զրկվել են պե­տու­թյան աջակ­ցու­թյու­նից․ «Փաստ» Հան­ցա­գոր­ծու­թյուն­նե­րի թվի ավե­լա­ցում.ի՞նչ են վկա­յում վեր­ջին տա­րի­նե­րի ցու­ցա­նիշ­նե­րը․ «Փաստ» Սոթք-Քարվաճառ ճանապարհը դժվարանցանելի է բոլոր մեքենաների համար. Սյունիքի ճանապարհներին մերկասառույց է Բա­լա­յին հա­մա­կար­գը ոչ հա­վա­սար պայ­ման­ներ է ստեղ­ծում և լրամ­շակ­ման կա­րիք ունի․ «Փաստ» «Ցիվիլ ձեւին համաձայն չենք. սպանդանոց չպետք է լինի, վերջ». Արարատի մարզում մայրուղին ժամանակավորապես բացվեց Տնտեսական հեղափոխություն կլինի, բայց միայն իշխանավորների կյանքում․ «Փաստ» Անասնաբուծությամբ զբաղվողները ճանապարհներ են փակել Արմավիրում եւ Արարատում (ուղիղ)

Նախագահ փնտրելիս կամ Նապոլեոն Բոնապարտի խորհուրդը Սերժ Սարգսյանին

Թերևս դեռ շատերը կանդրադառնան Սերժ Սարգսյանի հարցազրույցին, կփորձեն դրանում կոդեր գտնել, թաքնված «մեսեջներ» ` ինչպես անում էր Գոռ Վարդանյանն իր հայտնի, դարակազմիկ ֆիլմում: Բայց մեզ այս շարքից մի քանի բան առավելագույնս հետաքրքրեց: Չէ, չկարծեք, թե տխուր անդրադարձ ենք կատարելու լրագրողական դաշտի ողբամ զքեզին, քավ լիցի: Մեզ ընդամենը հետաքրքեց սույն հարցազրույցի գլխավոր հերոսի ակնառու «մեսեջները» , որոնց շուրջ և կխոսենք ստորև.

Սարգսյանը զարմացավ, թե ի՞նչ է ասել հասարակական պահանջ. իհարկե, ըմբռնումով ենք մոտենում այն հանգամանքին, որ խորհրդային փուլում բուհերում սոցիալ-մշակութային մարդաբանություն առարկան չէին ուսումնասիրում, բայց դա չի ազատում չիմացության ծանր հանցանքից: Եթե փորձենք սահմանել, թե ինչ է ասել հասարակություն կամ հասարակական պահանջ, դրա համար մի քանի հոդվածն անգամ քիչ կլինի: Օրինակ Գերմանիայում, երբ մի թաղամաս փորձում են փոքրիկ ձևափոխման ենթարկել, նախ ճշտում են այդտեղի բնակիչների վերաբերմունքը, առավել կարևորում են դպրոցահասակների մոտեցումները, որքանով դա կազդի տեղացիների ընկալումների վրա և այլն: Ի վերջո, այդ գրողի տարած հասարակությունն ուզում է դա, թե ոչ: Սա, հիշեցնում եմ, փոքրիկ կոսմետիկ ձևափոխումների պարագայում, էլ ուր մնաց թե Սահմանադրության:

Երկրորդ դարակազմիկ «մեսեջը» , որին կանդրադառնանք, դա պնդումն էր առ այն, որ փողոցում հրաժարական պահանջելը անօրինական է: Այ քեզ բան: Տես է՜, գլխի չէինք ընկել ոչ մի կերպ: Դե հիմա արի էդ քաղաքակիրթ ֆրանսիացիներին բացատրի, որ եղբայր, Դուք հո բարբարոս չե՞ք, որ մինչև հիմա փողոցում պահանջներ եք ներկայացնում, էլ չեմ ասում, որ Ձեր հանրապետությունը կերտել եք փողոցում` բարիկադների վրա: Բա էն անգլիացի ուսանողները. դասական հակաիրավականության օրինակ են: Դա ինչ սինլքորություն է, ինչ որ մի իրավունքի համար փողոց դուրս գալ ու ճանապարհներ փակել: Էս երկուսն էլ դեռ հեչ, բա իտալացիները: Դրանք ընդհանրապես հարգանք չունեն սեփական Սահմանադրության նկատմամբ: Կարելի է արդյո՞ք ինչ որ աշխատավարձերի համար փողոցում ցույց անել ու կառավարության հրաժարականին հասնել: Ամոթ Ձեզ: Այ որ միջնադարյան Եվրոպայում ապրեիք, Պապական արքունիքը Ձեզ կնստեցներ համապատասխան ցցերի վրա:

«Մեսեջ»  համար երեք: Ասում են թե, պատգամավորները ներկայացնում են կոնկրետ սոցիալական խավ: Էն որ հետխորհրդային տարածքում քուչի պանյատներով առաջատարն ենք, հարց չկա, չենք էլ վիճում: Էն որ Խորհրդային Միությունում առաջին տեղն էինք բարձրագույն կրթություն ստացողների մակարդակով, էդ էլ հեչ: Էն որ ազգիս մի զգալի մասը «տանկի օնլայնով»  ամեն օր Բաքուն գրավում է, էդ սոցիալական խավի արտացոլումն էլ հասկացանք: Բայց այ սոցիալական ո՞ր շերտի ներկայացուցիչն է Գալուստ Գրիգորիչը: Պատահմամբ ուսուցիչների՞: Մեղա քեզ: Վաղուց մեղա չէի ասել:

Ու էս կուլմինացիայի գագաթնակետը: Մի պահ անկեղծանալով, Սերժ Սարգսյանը հայտարարեց, որ գրեթե ոչ մի լրատվական հաղորդում բաց չի թողնում: Պատկերացնում եք, Հայաստանում մարդ ինչքան պարապ պետք է լինի, որ ձանձրալիությամբ միմյանց մրցող լրատվականները հերթով նայի: Իհարկե, եթե ուզում ես քեզ ներշնչես, որ ապրում ես գերհզոր երկրում, որ Մեծ Ութնյակը շուտով փոխելու է իր ձևաչափը և կոչվելու է Ութնյակ պլյուս Հայաստան, որ G20-ի հաջորդ գագաթնաժողովը անցկացնելու են Դիլիջանում, որ Սինգապուրյան վագրը կամ Չինական թռիչքները Հայաստանի տնտեսական զարգացման տեմպերի դիմաց նմանվում են լոկ ճլորթիկ խաղալու, կարող ես ասենք նայել որևէ հեռուստաընկերության լրատվականը կամ սադո-մազո ժանրից նման ինչ-որ մի բան, բայց հետևել բոլոր լրատվականների՞ն: Հավատացեք, մեր թաղի բեսեդկի խոհեմագույն պարապ քաղաքագետներն անգամ այդքանը չեն հասցնում:

Ակամայից երկու պատմական դրվագ հիշեցի: Երբ Խառանի ճակատամարտում որոշվում էր հայերի և պարթևների ճակատագիրը, Արտավազդ Երկրորդն Արտաշատում հանգիստ վայելում էր Էվրիպիդեսի «Բաքոսուհիներ»  ողբերգությունը: Կրկնում եմ` Էվրիպիդես ընկերներ, ոչ թե լրատվական թողարկում:

Նապոլեոն Բոնապարտի խորհուրդը Սերժ Սարգսյանին: Երբ մի անգամ Նապոլեոին տվեցին ֆրանսիական թերթեր, նա շատ զարմացավ և խնդրեց հետայդու իրեն տալ միայն անգլիական և գերմանական թերթեր, քանի որ ֆրանսիական թերթերում գրում են այն, ինչ ինքն է ուզում:

Վահրամ Թոքմաջյան

Past.am, վերլուծաբան